Vetseun FacebookVetseun PageTwitterTwitter (Maarman)InstagramYouTubeLast.fmSoundcloud . . . . . . . . __
Vetseun
Vetseun Boeke Vetseun LPs Vetseun TCs Vetseun VHS Vetseun CDs Vetseun DVDs Vetseun Blu-Rays Vetseun MP3s Vetseun VIDs
Saartjie-Reeks (Bettie Naudé) (Naudé, Bettie)
vetseun
Saartjie se afskeid (#24) . 2008 HUMAN & ROUSSEAU

Saartjie gee haar graadnege klas baie plesier met die dinge wat sy aanvang, maar dan betrap sy en die hoofseun rowers en dit plaas haar eers in die kollig. Die hele Lynnekom gons ook oor die wedstryd waarin 'n 14-jarige meisie 'n oorsese reis kan wen. - graffitibooks.co.za

vetseun
Saartjie se wedstryd (#23) . 2008 HUMAN & ROUSSEAU

Saartjie is kaptein van die netbalspan, maar moet nou kies tussen Anna en Magriet le Roux om in die span te speel. Almal plaas druk op haar en om alles te kroon, moet die span in een van die belangrikste wedstryde nóg speel. - graffitibooks.co.za

vetseun
Saartjie se boetie (#22) . 2008 HUMAN & ROUSSEAU

Saartjie se boetie Apie verjaar en hy is doodbang dat sy familie daarvan gaan vergeet.
Al wat hy wil hê, is bokshandskoene en 'n partytjie sonder meisies. Saartjie doen haar bes om te sorg dat Apie die verjaarsdag kry wat hy wil hê. Sy koop selfs vir hom 'n spesiale geskenk. Maar dan besluit sy om dit solank te gebruik - en dit lei natuurlik tot groot konsternasie. - graffitibooks.co.za

vetseun
Saartjie se sirkus (#21) . 2008 HUMAN & ROUSSEAU

Saartjie is op haar stukke: sy kry dit reg dat haar klas die dag in die son kan sit toe sy hulle juffrou oortuig dat die klaskamer stink en sy trek arme Anna 'n lelike streep. Die wêreldberoemde Bert Lancer-sirkus is in Lynnekom en hulle soek 'n jong klavierspeler - Saartjie. - graffitibooks.co.za

vetseun
Saartjie se drome (#20) . 2008 HUMAN & ROUSSEAU

Saartjie lees 'n liefdesverhaal en glo vas dat 'n droomman wat haar asem gaan wegslaan en haar knieë lam gaan maak iewers vir haar wag. Anna en Lina stel voor dat sy kyk of Galpil nie haar droomman is nie, maar dan kom kuier die aantreklike en gawe Springbokrugbyspeler Gerrie Meyer by die Baumanns vir twee weke en Saartjie weet skielik presies wie haar droomman is.... - graffitibooks.co.za

vetseun
Saartjie se verjaarsdag (#19) . 2008 HUMAN & ROUSSEAU

'n Dogtertjie met polio, Miempie, kuier op Lynnekom. Sy het soveel karakter en gees dat sy almal betower en gou kruip sy diep in Saartjie-hulle se harte. Miempie se suster, Carolina, is Miempie se held en sal enigiets doen om haar te help - selfs al beteken dit dat sy 'n belowende musiekloopbaan moet prysgee sodat hulle ouers Miempie se mediese onkostes kan bekostig.
Saartjie en Carolina moet mekaar die stryd aansê by die jaarlikse kunswedstryd. Die prys? 'n Groot kontantbedrag wat Saartjie aan diere wil skenk, maar wat Carolina sal help om met haar musieklesse voort te gaan. Op die vooraand van Saartjie se sestiende verjaarsdag verrig sy 'n daad van welwillendheid wat Lynnekom nog lank aan die praat gaan hê. - graffitibooks.co.za

vetseun
Saartjie se gevaar (#18) . 2008 HUMAN & ROUSSEAU

"Saartjie lees 'n liefdesroman oor twee mense wat op skool al verlief geraak het en jare later getroud is nadat die meisie 'n beroemde filmster geword het. Lynnekom se rabbedoe begin droom oor so 'n groot liefde en wonder wat Galpil sal doen as sy sê sy het gevoelens vir hom. Sal hy hom soos 'n ware heer begin gedra en ophou om almal "ou perd" en "pêrre" te noem? Sal hy vir mense sê hulle moet hom op sy regte naam noem? Intussen wil Saartjie graag vir haar ma 'n spesiale verjaardagpresent koop. Sy het egter nie genoeg geld nie en leen 'n hele paar rand by haar boetie Apie. Hy is nie van plan om haar van hierdie groot guns te laat vergeet nie en sy wonder later wat haar besiel het om met hom besigheid te doen. Laat een aand sien ons heldin uit haar slaapkamer se venster hoe 'n vreemde motor stadig al om en om Lynnekom se bank ry. Sy besluit om te gaan ondersoek instel en kort voor lank is sy betrokke in 'n avontuur wat lewensgevaarlik kan wees. Is daar iewers 'n ware held wat haar sal kom red of moet sy op eie houtjie met die skurke probeer afreken?" - storiewerf.co.za

vetseun
Saartjie se dagboek (#17) . 2008 HUMAN & ROUSSEAU

"Saartjie het ekstra geld nodig en besluit sy en haar vriendinne moet hul eie tydskrif begin. Sy beplan om sommer self die meeste van die skryfwerk doen, want sy kry mos gewoonlik omtrent volpunte vir haar opstelle. Die rabbedoe se boetie skop 'n rugbybal by 'n kwaai oom se erf in en sy moet dit gaan haal voor die oubaas die bal in repies opsny. Sy ontmoet twee oumense wat met 'n hartseer geheim saamlewe en besluit op die daad sy gaan iets doen om hulle te help. Intussen moet sy egter ook nog kophou wanneer twee seuns gelyktydig beenaf op haar raak! Saans voordat sy gaan slaap, skryf ons heldin in haar nuwe dagboek oor wat alles gedurende die dag met haar gebeur het. Hierdie gewoonte help haar uiteindelik om groot geluk in ander se lewens te bring." - storiewerf.co.za

vetseun
Saartjie se moleste (#16) . 2008 HUMAN & ROUSSEAU

"Twee groot uitdagings staar Saartjie in die gesig. Sy moet eksamen skryf en boonop afreken met 'n boelie van Kaapstad wat haar "poplap" noem en almal in Lynnekom afknou. Ons heldin sukkel om op haar studies te konsentreer terwyl sy die een plan ná die ander beraam om die buffel op sy plek te sit. Intussen moet sy nog haar naam en reputasie in ere herstel wanneer 'n meisie in die klas haar van oneerlikheid beskuldig. Saartjie kry hulp vanuit 'n onverwagte oord - haar knorrige onderwyser, Ou Grompot! Wanneer die rabbedOe, Die Kaapse boelie reggesien het, breek die skoolvakansie aan en die Drie Muskiete word na 'n plaas toe genooi. 'n Vriendin van mevrou Baumann wil hê die meisies moet vir haar twee seuns goeie maniere kom leer, maar dinge werk soos gewoonlik weer heeltemal anders uit. Saartjie, Anna en Lina lei die plaasseuns omtrent 'n lewe en bewys weer eens hulle is meisies wat nie met hulle laat mors nie!" - storiewerf.co.za

vetseun
Saartjie se prys (#15) . 2008 HUMAN & ROUSSEAU

Saartjie lees in 'n tydskrif van kinders in Amerika wat 'n vriendelikheidsveldtog geloods en almal om hulle se lewens verander het. Sy besluit die Drie Muskiete moet hierdie goeie voorbeeld volg, maar Anna en Lina is nie so gretig om saam te speel nie. Wanneer Lynnekom se rabbedoe hulle uiteindelik ompraat om saam met haar die toonbeeld van vriendelikheid en goeie maniere te wees vermoed almal onraad, veral die seuns. Is Saartjie-hulle weer besig met een of ander skelmstreek?
Saartjie se ouers kry 'n uitnodiging na 'n tuinparty by die staatspresident se woning. Haar ma maak vir haar 'n pragtige rok en haar pa gee vir haar geld om 'n spesiale handsak te koop. Saartjie loop die stad plat op soek na die handsak van haar drome, maar kry nêrens waarna sy soek nie - totdat 'n liefdadigheidsorganisasie 'n kompetisie by die skool uitskryf om geld vir kreupel kinders in te samel. Die prys vir die meisie wat die meeste geld bymekaar maak, is presies die handsak wat ons heldin so begeer en sy laat nie op haar wag nie. Saartjie begin kollekteer dat dit klap en reël boonop 'n fees wat skrik vir niks nie! - graffitibooks.co.za

vetseunvetseun
Saartjie se piekniek (#14) . 2007 HUMAN & ROUSSEAU

Apie "leen" 'n rugbybal by die skool en dit beland per ongeluk in die kwaai oom Kerneels se perskeboord. Saartjie se boetie smeek haar om die bal vir hom in die hande te kry, anders gaan hy in groot moeilikheid by die skool wees. Die Drie Muskiete beland egter in die proses in nóg groter moeilikheid by die befoeterde oom. Maar op die ou end is daar darem ook 'n geluk by die ongeluk en die rabbedoe en haar vriendinne kom ongedeerd van hierdie avontuur af.
Hulle het egter nou 'n ander probleem. Hulle moet geld bymekaar maak om skadevergoeding te betaal. Gelukkig kry ons heldin weer een van haar briljante ingewings en kom met 'n slim plan vorendag - hulle moet 'n piekniek reël en Lynnekom se kinders laat betaal om dit by te woon. Daar is soos gewoonlik heelwat struikelblokke om te oorkom - onder andere Galpil en sy vriende wat weier om te betaal en dreig om hul eie piekniek reg langsaan Saartjie s'n te hou! - graffitibooks.co.za

vetseun
Saartjie se dapper daad (#13) . 2007 HUMAN & ROUSSEAU

Saartjie se ouer broer, Kris, het groot liefdesprobleme. Sy meisie het hom gelos vir 'n vent met 'n blink motor en 'n snor. Lynnekom se rabbedoe glo vas alle mans wat 'n snor het, is skurke en besluit sy en haar vriendinne moet die windlawaai op sy plek sit sodat haar broer weer gelukkig kan wees. Sy kom vorendag met 'n skreeusnaakse plan wat tot groot pret lei.
'n Seun van Zimbabwe kuier in Lynnekom en hy en Saartjie kom sommer van die intrapslag af nie oor die weg nie. Hy is verwaand en beterweterig en ons heldin doen haar bes om hom te ignoreer, maar ongelukkig het hy iets wat sy bitter graag wil hê - 'n wonderlike nuwe pen wat in vier kleure kan skryf. Saartjie soek naarstiglik iets om vir die seun in ruil vir die pen te gee, maar hy hou vol hy stel nie belang nie. Min weet hierdie twee wat so vassit hul name gaan eersdaags saam in koerante regoor die land verskyn! - graffitibooks.co.za

vetseun
Saartjie se kêrel (#12) . 2007 HUMAN & ROUSSEAU

Saartjie lees 'n artikel oor hipnose en besluit dadelik om Anna en Lina as proefkonyne te gebruik terwyl sy haar lyf hipnotiseur hou. Sy besef egter vinnig sy beskik nie oor hierdie spesiale talent nie... Maar dan kry ons heldin 'n slim plan.
Sê nou hulle reël 'n hipnose-vertoning en haar vriendinne gee voor sy maak hulle aan die slaap en laat hulle allerhande manewales uithaal? Die Drie Muskiete kan mos baie geld só maak!
Soos met alles verloop dinge natuurlik nie heeltemal soos beplan nie. Saartjie moet haar boetie en sy maat gelukkig hou, asook vir Muggie en 'n skeptiese gehoor - en boonop nog vir Galpil wat nie kan wag om te bewys sy is besig om almal 'n streep te trek nie. Gelukkig kry Lynnekom se rabbedoe dan 'n briljante ingewing. Sy fluister iets in Galpil se oor wat sy hart wild laat klop... - graffitibooks.co.za

vetseun
Saartjie se kliek (#11) . 2007 HUMAN & ROUSSEAU

Saartjie gaan deur 'n moeilike tydjie - haar ma besluit sy kry vir die volgende vier weke nie sakgeld nie as straf vir die kruidenierware wat sy verwoes het, sy moet haar boetie Apie teen die ouer seuns beskerm en dan betrap die skoolhoof haar boonop wanneer sy sang bank om haar uitskryfwerk klaar te doen. Ons heldin lees 'n verhaal oor 'n groep meisies in Engeland wat 'n kliek gevorm het en besluit summier die Drie Muskiete moet'n nuwe naam en doelstellings kry. Hulle gaan van nou af as Lynnekom se Lelies bekend staan en 'n geheime oorlog teen Galpil en sy trawante loods. Hierdie veldtog lei tot rampspoedige - en lagwekkende! - gevolge vir albei partye.Hierna besluit die rabbedoe met die helderblou oë en pikswart hare sy moet opmaak vir al haar kattewaad deur 'n goeie daad te doen en sonskyn in iemand se lewe te bring. Dit is egter makliker gesê as gedaan en gaan dalk 'n baie groot opoffering van Saartjie verg. - graffitibooks.co.za

vetseun
Saartjie se skatte (#10) . 2007 HUMAN & ROUSSEAU

Spoke en skatte - hierdie onweerstaanbare dinge sorg dat Saartjie weer eens Lynnekom se heldin word! Sy en Galpil gaan 'n weddenskap aan om te sien wie is bang vir spoke en wie nie. Saartjie is in werklikheid net so bang soos die seun, maar danksy'n briljante set tree sy as oorwinnaar uit die stryd.
Galpil storm voor al hul maats se oë by die spookhuis uit asof daar 'n hele string kermende geeste op sy hakke is! Maar Saartjie leer in hierdie boek ook die hartseer kant van die lewe ken, en sy ontdek dat dit soms lekkerder is om te gee as om te ontvang. Gelukkig werk alles uiteindelik goed uit wanneer sy 'n baie groot verrassing kry. - graffitibooks.co.za

vetseun
Saartjie se geveg (#9) . 2007 HUMAN & ROUSSEAU

Saartjie en haar vriende het tien dae skoolvakansie en hulle benut dit ten volle. Die Drie Muskiete gaan "dêps" sappige ingevoerde turksvye by 'n kwaai oom wat openlik sê hy sal enigiemand wat hom besteel lewendig afslag - en ons heldin kry meer as waarvoor sy haar reggemaak het.
Hierna stel die rabbedoe vir haar boetie 'n valstrik in hul sitkamer, maar dan kom mevrou Dominee kuier en dinge loop lelik skeef.Saartjie begin ernstig wonder of sy nie maar liewer 'n non moet word nie. Gelukkig daag die sirkus weer in Lynnekom op en sy vergeet vinnig van haar sorge, want die sirkusleeu ontsnap uit sy hok en juffrou Baumann maak van aangesig tot aangesig met hom kennis!'n Paar dae later maak 'n wegloperhondjie sy opwagting in Saartjie en Apie se lewens. Hulle wil hom albei dolgraag hê, maar kom ooreen dat die brakkie self moet besluit wie sy baas gaan wees. Intussen kla 'n knorrige nuwe buurman dat die hond dissipline geleer moet word - nes Saartjie-hulle! - graffitibooks.co.za

vetseun
Saartjie se held (#8) . 2007 HUMAN & ROUSSEAU

Saartjie wil 'n grap vir 'n tydskrif instuur om ekstra sakgeld te verdien, maar sy kan skielik nie aan een dink nie. Sy vra ten einde raad Apie se hulp. Die klein platjie kom dadelik met 'n goeie grap vorendag, maar wat nou gemaak as ons heldin die prysgeld wen? Moet sy dit dan met haar boetie deel?
Anna koop 'n oulike affênkie om mense mee poetse te bak en die Drie Muskiete het groot pret daarmee. Die hele Baumann-gesin loop onder andere deur, maar dit veroorsaak meer konsternasie as wat Saartjie verwag het en Apie beland in groot moeilikheid.Lynnekom se rabbedoe daag die seuns uit om teen hulle meisies netbal te speel, maar Galpil en sy maats ken net rugby en op die ou end durf die twee spanne mekaar sonder enige spelreëls aan. Intussen is Saartjie ook baie opgewonde oor 'n nuwe fliek van haar gunsteling Hollywood-ster wat binnekort vrygestel gaan word. - graffitibooks.co.za

vetseun
Saartjie se papegaai (#7) . 2007 HUMAN & ROUSSEAU

Saartjie wil graag vir die langnaweek saam met haar vriendin Anna en dié se pa Durban toe gaan. Sy doen haar bes om "mooi" te lewe sodat haar ouers hul toestemming hiervoor moet gee. Die rabbedoe is oorvriendelik en oorgretig om vir almal gunste te doen.
Dokter Baumann vra haar om 'n belangrike brief te pos, maar sy vergeet skoon daarvan en dit beland in Anna se huiswerkboek.
Na vele mislukte pogings om dit terug te kry, moet ons heldin die brief uiteindelik noodgedwonge uit hul kwaai Engelse juffrou se woonstel gaan gaps en dit lei tot 'n naelbyt-avontuur.In Durban ontmoet die twee meisies 'n interessante ou seeman wat al die sewe oseane deurkruis het, en ook sy ongewone papegaai genaamd Alfonso van wie Saartjie sommer dadelik baie hou. - graffitibooks.co.za

vetseun
Saartjie se slim plan (#6) . 2007 HUMAN & ROUSSEAU

Saartjie Baumann is 'n rabbedoe, maar sy besluit op 'n dag sy wil darem ook voel hoe dit is om 'n modepop te wees wat deur al wat 'n man is met bewondering aangestaar te word. Sy en haar twee boesemvriendinne, Anna en Lina, kry haar ma se grimering beet en dan klop Galpil aan die deur. Saartjie is seker sy gaan sy voete onder hom uitslaan, maar sy reaksie is nie wat sy verwag het nie en die arme kêrel word daarna vir dae lank geïgnoreer.
As straf vir die feit dat sy haar ma se grimering sonder toestemming gebruik het, moet die blouoog perskes skil. Sy besluit egter om hulp in te roep en dis nie lank nie of Lynnekom se kinders wedywer met mekaar in die eetkompetisie van die jaar. 'n Hooghartige nuwe meisie wat van die intrapslag af met Saartjie kompeteer, nooi die Drie Muskiete na 'n deftige partytjie toe en hulle besluit om te gaan, ten spyte van Galpil se waarskuwing dat iets nie pluis is nie. Tydens hierdie geleentheid word ons heldin se gawe om slim planne te beraam tot die uiterste beproef ... - graffitibooks.co.za

vetseunvetseun
Saartjie se nuwe maat (#5) . 2007 HUMAN & ROUSSEAU

Die Drie Muskiete maak kennis met die parmantige Gail Smith wat spog dat sy alles net so goed soos Saartjie kan doen - en selfs nog beter! Ons heldin laat haar nie so beledig nie en dit lei tot 'n kragmeting met 'n verrassende einde.
Verder is daar ook nog 'n strooptog in 'n vrugteboord en 'n tante wat op 'n baie ontydige tyd kom kuier - om nie te praat van die onmin tussen die Muskiete nie. Gaan die meisies uitmekaar spat noudat hulle op hoërskool is? - graffitibooks.co.za

vetseun
Saartjie se donkie (#4) . 2006 HUMAN & ROUSSEAU

Saartjie en haar boetie eet die perskes wat hul ma spesiaal vir die skou ingelê het en as straf mag hulle nie sirkus toe gaan nie. Ons heldin voel dis bitter onregverdig en begin dadelik planne beraam om in die groot tent te kom.
Nie lank daarna nie wys sy vir die dorp se seuns sy kan beter as enigeen een van hulle donkie ry. Sy gaan maak die donkie in haar ouers se agterplaas vas, maar dan besluit Langoor om te verken en daar kom groot moleste. Soos haar ouer broer tereg sê - waar Saartjie is, gebeur daar altyd iets!

vetseun
Saartjie se geheim (#3) . 2006 HUMAN & ROUSSEAU

Saartjie se ondeundheid laat haar soos gewoonlik weer in die moeilikheid beland. Galpil-hulle is net mooi gereed om vrugte vas te lê wanneer 'n vreesaanjaende spook sy verskyning maak. En dan is daar nog die kwessie van Saartjie se geheim wat haar beste vriende, Anna en Lina, en natuurlik ook vir Galpil en haar boetie, Apie, tot raserny dryf. - graffitibooks.co.za

vetseunvetseun
Saartjie se vakansie (#2) . 2006 HUMAN & ROUSSEAU

Dit reën baie gedurende die Desembervakansie en ons heldin en haar maats raak by 'n moddergeveg betrokke. Ongelukkig tref hulle die verkeerde teiken: Saartjie se ouer broer en sy meisie. Die volgende dag grimeer Die Drie Muskiete klein Muggie soos'n hanswors, en doen dit só goed dat die dogtertjie se ma nie weet hoe sy haar ooit weer gaan skoonkry nie. Maar genoeg van kattekwaad.
'n Orkaan tref 'n arm Johannesburgse woonbuurt en Saartjie kom af op 'n tweeling wie se ouers albei in die hospitaal is. Sy kry hulle jammer en steek hulle tuis in haar speelkamer weg. Tot Saartjie se skok lees sy egter in die koerant dat die polisie oral na die kinders soek, want hul ouers dink hulle is ontvoer. Wanneer haar boetie hulle in die huis ontdek, dink hy hulle is inbrekers, maar Saartjie kom uit met die waarheid en haar pa bied aan om die kinders se ouers te help.Voor die einde van die vakansie neem Saartjie aan 'n radiovasvra deel en dring tot die eindrondte deur, maar sy moet haar kleinboet se hulp vra om die laaste strikvraag te kan beantwoord. - graffitibooks.co.za

vetseun
Saartjie (#1) ................ 2006 HUMAN & ROUSSEAU

Ons ontmoet Saartjie Baumann, die langbeenmeisie met die wipneus, kuiltjies in die wange en duisende duiweltjies in haar oë.
Hierdie rabbedoe en haar twee maats staan bekend as Die Drie Muskiete en al wat hulle lewe versuur, is seuns en 'n klein niksnuts genaamd Muggie.
Saartjie reël 'n konsert om geld vir liefdadigheid in te samel en skryf haar eie toneelstuk daarvoor, maar dinge loop nie heeltemal soos beplan nie. 'n Paar dae later sluip sy en haar maats in by 'n bouvallige ou huis waar 'n kluisenaar jare gelede dood is en ontdek 'n geraamte en 'n ysterkis.Hulle het skaars van hierdie avontuur herstel wanneer Saartjie besluit om te gaan heuning uithaal. Die bye steek hulle egter nie so erg soos die arme hoenders op 'n nabygeleë kleinhoewe nie! Die laaste dag op laerskool aap Saartjie tot almal se vermaak party van die onderwysers na en dan moet sy aan 'n debat teen 'n seun deelneem. Ja-nee, sy is beslis 'n besige meisie! - graffitibooks.co.za

vetseun
Saartjie - Omnibus 2 . 1994 PERSKOR
Saartjie se Donkie
Saartjie se Nuwe Maat
Saartjie se Slim Plan

vetseun
Saartjie - Omnibus 1 . 1993 PERSKOR
Saartjie Baumann
Saartjie se Vakansie
Saartjie se Geheim

vetseun
Saartjie se drome ..... 1957 PERSKOR

1956 - Saartjie Baumann
1956 - Saartjie se Vakansie
1955 - Saartjie se Donkie
1954 - Saartjie se Geheim

sien Topsy Smith


skakels :













bidorbuy South Africa - Bid, Buy or Sell cameras, computers, diamonds, coins, cars & more on auction at cheap prices



DIE VERENIGING VAN ELEKTRISITEITS TRANSFORMASIE SITUASIE EN UNIFIKASIE NAVORSING
kontak ons by vetseun1@gmail.com (© Kopiereg voorbehou. )